Coment Perec li sages de Babel s’en retorna, par Aimé Petit

Plaist vos oïr bone canchon vallant ?
C’est de Perec, mervillos clerc lisant,
Qui de Babel s’en aloit revenant.
Si com il va la marke trespassant,
Auques s’esmeut, tout en esporonant.
A piet descent del ceval auferrant
Lors cuide veoir une borne aparant,
Si que trestout a cest hore est muant,
Et pui et mont, li petit et li grant.
La veïssiés air et tierre autretant,
Ainz la voie vait un petitet cangant,
Et li escrit des kemins müent le san.
Paneteries ont cangié de samblant,
Ne sont plus celes que apeliens avant
Paneteries, meismes pain vont canjant.